Kabanata 63

Sabi nila, ang pagmamahal ay dumarating sa panahon at taong  ‘di mo inaasahan.

Nakakailang hikab na si Lucas subalit pilit niya pa din nilalabanan ang antok. Marami pa’ng papeles ang nakatambak sa kan’yang lamesa na kailangan niyang review-hin.

“Yes?” Nanatiling tutok ang kan’yang mga mata sa ginagawa nang sagutin ang kumakatok sa pinto.

Iniluwa nito si Lera na may dalang kape. Mabilis niya itong binalingan ng tingin.

Kailan ba nagsimulang magbago ang paningin niya sa babae? Hindi niya matandaan. Basta ang alam niya lang kapag nasa paligid ito ay kusang napupunta dito ang buong atensyon niya.

Inilapag ni Lera ang kape sa lamesa.

“Thank you.” Wala siyang matandaan na humingi siya ng kape dito, pero kailangan niya ito ngayon upang ipanglaban sa labis na pagkaantok.

Sumimsim siya. Sigurado siyang hindi pa iyon umeepekto pero nawala na ang antok niya. Dahil ba iyon sa presensya ng magan