Kabanata 70

Ang kulay kahel na langit ay dumagdag sa pagiging romantiko ng lugar. Kaliwa't kanan ang mga magkasintahan at pamilya na pinapanood ang paglubog ng araw. May mga batang nagtatakbuhan sa paligid at mga tawanan ng mga magkakaibigan na nagkwekwentuhan. Iba't-ibang ingay subalit hindi iyon naririnig ni Lera, dahil ang banayad na pagtibok ng kan'yang puso ang tangi niya lamang pinapakinggan.

"When I was a kid, my dad used to take me to the farm just to watch the sun set behind the mountain." 

Napabaling si Lera kay Lucas nang magsalita ito. Nakatuon ang tingin ng lalaki sa papalubog na araw.

Kumikinang ang dagat mula sa repleksyon ng araw, kagaya nang pagkinang ng mga mga mata ni Lucas. Katulad ni Lera ay panatag ang kan'yang kalooban.

"Pero nang magtungo ako sa states at mawala si daddy, I forgot how to appreciate this things. Dinaraanan ko na lang ang mga ganito. Wala akong pakialam sa paligid."

Ibinalik ni Lera ang tingin sa karagatan. Kalmado i