Kabanata 66

Marami ang nagbago matapos umamin si Lucas kay Lera. Sa pagdaan ng mga araw ay tinupad nito ang pangakong hihintayin ang babae hanggang sa matanggap na nito ang pag-ibig niya.

Napabuntong-hininga na lamang si Lera nang makita ang lunch box sa kan'yang lamesa sa loob ng opisina. Ilang araw na siyang ipinaghahanda ng pagkain ni Lucas subalit naninibago pa din siya. 

Alas-dose na, lunch time, kaya kinuha niya na iyon at dinala sa receiving area kung saan naghihintay si Maris.

Mag-iisang linggo nang wala si Lucas sa opisina dahil abala itong asikasuhin ang farm, bagay na pabor sa kan'ya.

Binuksan niya ang lunch box at hindi napigilan ang ngumiti nang makita ang bagong putahe na niluto ni Lucas para sa kan'ya. Alam niyang ito ang nagluluto dahil makailang ulit niya nang naabutan ito na abala sa kusina at maaga pa'ng magising kumpara sa nakasanayan nitong oras sa umaga.

Nasabi na noon sa kan'ya ni Lucas na nag-aral itong magluto para sa kanilang ana