Kabanata 68

Paano mo kokontrolin ang puso kung taliwas ito sa sinasabi ng isipan?

Hindi malaman ni Lucas kung paano papatahanin si Lera. Maingat niyang pinunasan ang luhang nag-uunahan sa pagtulo sa pisngi nito. Subalit hindi iyon matapos-tapos dahil napapalitan din ito ng bago.

"Kung hindi ko iyon ginawa baka isang pamilya na ang nawalan ng ama." Alam niyang ikakapahamak niya ang pagsangga ng patalim na sana'y tatama sa kan'yang magsasaka subalit hindi niya iyon pinagsisihan dahil kagaya ng kan'yang ama, labis ang pagpapahalaga niya sa mga trabahador nila.

"Alam ko, pero paano naman kami?" Ang mga mata ni Lera ay puno ng luha na animo'y nagsusumamo.

Binalot ng kakaibang emosyon ang puso ni Lucas. Totoo nga na nag-aalala ang babae sa kan'ya. Masuyo niyang ikinulong ang mukha nito sa kan'yang magkabilang palad.

"I won't do that kung alam ko'ng ikakamatay ko. Malayo ito sa bituka. Pangako, hindi na ito mauulit. Tumahan ka na. Hindi ako mawawala sainyo."

M