CHAPTER 45

Para ba akong na-paralyze. Hindi ako makakilos sa kinatatayuan at nakabibingi ang malakas na tibok ng puso ko. Paulit-ulit na sumisigaw ang utak ko at sinasabi sa akin na hindi ko totoong kapatid si Thunder.

“For real ba?” paniniguro ko pa nga.

“Alam mo, Jey. Kung gaano ka kaganda, gan‘on ka rin ka-slow! If you want your feelings for him to be incest, e ‘di maniwala ka sa mga kalokohan ni mama.” Para akong nabunutan ng tinik sa paa. Pabagsak akong humiga sa malambot na kama ni Cham at kinapa ang dibdib kong nagwawala pa rin.

Hindi kami magkapatid ni Thunder. It felt like a pirated audio that keeps on playing on the back of my mind. ‘Yon ba ang gusto sana niyang sabihin sa akin pero hindi ko man lang siya binigyan ng pagkakataong makapagsalita? May ngiti sa labi akong bumangon at hinablot ang sling bag ko. Naabutan kong magkasalo sa sink sina Aquinah at Cham na sabay na nagto-toothbrush.

“Aalis muna ako pero