Chapter 52

Savina Pov

"Saan niyo ako dadalhin?" mariing tanong ko sa dalawang alipin ni Allana na humihila sa akin. Naglalakad ako kanina nang bigla na lamang akong nilapitan ng dalawang alipin at hinawakan sa braso pagkatapos ay pilit akong kinaladkad palayo sa bahay ni Desmon.

"Kung ayaw mong masaktan ay sumama ka na lamang ng maayos," babala sa akin ng isang alipin. Kahit anong gawin kong pagpupumiglas ay hindi ako makakawala mula sa mahigpit nilang pagkakahawak sa dalawa kong braso. Ang isang katulad ko na walang kapangyarihan ay walang laban sa dalawang taong-lobo na humihila sa akin.

"Kung hindi mo lang sana ginalit si Luna Allana ay walang masamang mangyayari sa'yo. Ngunit nais mong agawin ang aming alpha mula sa kanya kaya hindi ka niya patatawarin," kausap naman sa akin ng isa pang alipin na humahawak sa akin.

Mukhang nahuhulaan ko na kung bakit galit na naman sa akin si Allana. Siguro dahil sa nangyari kanina s loob ng silid ni Desmon. Matapos kong gamutin ang mga sugat ni Desmon kani