Chapter 1: I’m Sold To Piere Monecidad

Lumi’s Point Of View.

Hila-Hila ako ng aking ama na halatang nakainom pa papasok sa isang malaking mansion na ngayon ko lamang nakita.

Panay ang pagpupumiglas ko sa kanyang mga hawak ngunit agad akong natigilan noong matanaw ko ang lalakeng matangkad na naglalakad pababa sa mataas na hagdan.

Ang tingin nito ay puno ng pagtataka, dahil na rin siguro sa kasuotan kong damit na akala mo ay isa akong p****k.

“T-Tay, nasasaktan ho ako. B-Bakit niyo ho ba ako dinala rito?” natatakot kong tanong ngunit sakto rin naman na nakalapit na ang lalakeng umaalingasaw ang bango.

“Sir Piere, siya na ho ang babaeng tinutukoy ko. Bata pa ho ‘yan at fresh na fresh,” sabi ng aking ama dahilan para magtaka ako at mas magtago sa likuran niya.

Wala namang emosyon akong sinulyapan ng lalake na tinawag ni ama na Piere.

“Mm, iwan mo na lang diyan.” Hindi ako makapaniwala sa sinabi nito, para ba akong isang gamit na pinaiiwan sa baggage counter.

“T-Tay!” naiiyak na tawag ko dito at pilit ko siyang hinahabol ngunit mabilis akong pinigil ng mga nakapulos itim na kalalakihan at ibinalik sa harapan ng lalakeng matangkad at tila modelo sa sobrang gwapo.

“Tay!”

“Quiet please,” may riing sabi ng lalakeng si Piere dahilan para tumayo ako ng tuwid na parang bata na iniwan ng magulang.

Huminga ito ng malalim bago niya nilingon ang katulong na hamak na mas matanda sa aming lahat. “Bath her, make sure I don’t see those filthy clothes,” malamig na sabi ng lalakeng si Piere at tinalikuran ako.

Mabilis naman na lumapit sa akin ang katulong na inutusan niya, dinala ako nito sa pangalawang palapag ng bahay at ipinasok sa isang kwarto.

“M-Manang, b-bakit ho ako nandito? H-Hindi ko po kilala ang mga tao dito..” natatakot kong sabi ngunit matunog lamang itong bumuntong hininga.

“Hayaan mong si Sir Piere ang magpaliwanag sa’yo kapag malinis ka na. Halika’t maglublob ka sa gatas, dali na.” Hinila ako nito sa banyo at hiyang hiya ako noong hubaran ako nito at paupuin sa bathtub na amoy gatas.

Wala naman akong nagawa at tahimik na lamang na pinag-isipan kung bakit ako naririto.

Nang matapos ay sinuotan ako nito ng mamahalin na damit, bago tinuyo at inayos ang buhok ko.

Kalaunan ay iniwan niya na ako sa loob ng kwarto, malaki ang kwarto ngunit— naputol ang paglibot ng mata ko noong sandaling bumukas ang pinto at tumambad sa akin ang lalake na tinatawag nilang si Piere.

Malakas ang dating nito at pakiramdam ko ay kakaiba siya kung tumitig, hindi ko maunawaan kung anong kulay ng kanyang mata ngunit katulad iyon ng kulay ng dagat na kulay berde.

“Do you know why you’re here?” tanong niya sa akin, simpleng nakapamulsa ang isang kamay sa kanyang pants na suot habang ang suot niyang pang-itaas ay sandong itim.

“H-Hindi po,” nahihiya kong tugon at napaatras nang muli siyang humakbang.

“I bought you from your gambling addict father,” dahan-dahan niya iyong sinabi na hindi ko lubos maunawaan.

“Po?” nabibiglang tanong ko.

“Ibinenta ka ng adik mong ama sa akin at ginawang kabayaran sa mga naging utang niya, ano’t simpleng ingles ay hindi mo maunawaan?” nakakainsulto niyang sabi.

Napaghawak ko ang mga palad, “H-Hindi naman ho ako gamit para ibenta,” pabulong na sabi ko ngunit matunog siyang ngumisi.

“Your name is Lomi, right?” pinag-iisipan niyang tanong dahilan para humaba ang nguso ko.

Tila pati pagkakabanggit ng ama ko sa sariling pangalan ay mali, “Lumi po, hindi Lomi—”

“It’s just the same, you’ll be eaten like that damn lomi food,” pabalang niyang sabi na hindi ko naunawaan dahil sa pamamaraan niya ng pagsasalita ng ingles na para bang may mabilis na accent.

“H-Huh?” Nang lingunin niya ako ay pasimple kong tinakpan ang bibig, natatakot ako sa mga tingin niya! Parang laging galit.

“How old are you?” kwestyon niya bago prenteng naupo sa kama ko.

“T-Twenty years old po,” sobrang hinang sagot ko at halos hindi na maunawaan, grabe rin ang pagtambol na nararamdaman ko sa dibdib dahil sa presensya niya.

“Too young,” rinig kong bulong niya sa sarili bago napapailing na inilapag ang mga papel na hawak ng kamay niyang hindi nakapamulsa.

“Just read the contract your father signed, you should rest.” Tumayo siya at muli akong sinulyapam.

“We’ll talk later,” paalam niya at tinalikuran na ako. Ang bagsak niyang buhok ay humaharang sa maganda niyang mata na kahit pa iba kung tumingin ay masasabi kong mahirap iwasan ng tingin.

Nang makalabas siya at dinampot ko kaagad ang mga papel na nilapag niya sa kama ko, ngunit halos manlaki ang mata ko nang malaman ang katotohanan.

Na ginawa akong pambayad ng sarili kong ama sa mga utang niya kay Piere Monecidad. Ngunit hindi ako makapaniwala na dinagdagan pa ng ilang milyon ang pagbili sa akin.

S-Sampung milyon lamang ba ang halaga ko sa sariling ama?

Ginalugad ko pa ang ibang mga kontrata na labis kong ikinabigla.

‘I am now sold to the billionaire..’