Chapter Fourty-Five

Olivia

Kasalukuyan akong nakaupo sa gilid ng pool habang ang mga paa ko ay nakalublob sa tubig. Nakatingin ako sa repleksiyon kong unti-unting nawawala sa tuwing nakikita kong pumapatak ang luha ko dito.

Ewan ko ba. Hindi ko alam kung bakit iniiyakan ko na naman ito samantalang mag-iisang buwan na rin buhat ng magpakasal kami ni Lloyd.

Sa kalagitnaan ng pag-eemote ko nakaramdam ako na para bang may naupo sa tabi ko. Dali-dali kong pinunasan ang mga luha ko at tsaka dahan-dahang lumingon sag awing kanan ko. Pagtingin ko’y bumungad sa akin si Matthew na bahagyang nakatungo sa tubig.

“A-anong g-ginagawa m-mo dito?” garalgal ang boses na tanong ko at pagkatapos ay nagbuntong hininga ng napagkalalim.

“Obvious ba? Para samahang kang mag-emote.” Mahinang sagot niya.

“Samahan? O, para ipaintindi sa akin kung gaano ako ka-walang kwentang anak.”

“Dahil ba ‘to sa pagsigaw mo kay Tito Oliver kanina?”

Nilingon ko siya pagkatapos niyang sabihin iyon. Napapalunok ako habang nakatingin sa kaniya. It