Chapter Fourty-Four

Olivia

Pasado alas otso na ng gabi no’ng magpasiya kaming umahon sa pool. Malamig na rin kasi ang tubig kaya’t minabuti naming magbanlaw na at magpahinga. Busog na rin naman ako kaya’t niyaya ko na si Daddy na umakyat na sa kwarto upang magpahinga.

Kasalukuyan akong nakaupo sa upuan na malapit kay Daddy habang siya naman ay nakahiga na sa kama. Hinihintay ko lang siyang makatulog para makabalik na ako sa kwarto ko ngunit ang papikit nang si Daddy ay muling ibinukas ang mata at tsaka nagsalita.

“Nak, salamat, ha?”biglang sambit niya.

Bahagya akong napatulala habang napasalubong ang dalawang kilay dahil do’n.

“Bakit po kayo nagpapasalamat?” magkasalubong ang dalawang kilay na tanong ko habang diretso ang tingin sa kaniya.

Kinuha niya ang aking kamay na nakapatong sa kama gamit ang kanang kamay niya. At tsaka dahan-dahang niyakap ito sa ibabaw ng kaniyang dibdib.

“Salamat kasi, kung hindi dahil sa sakripisyo mo, baka hindi ko naranasan ang nangyari ngayong araw na ‘to. Baka hindi sana k