Chapter Sixty-Seven

Lloyd

Habang nakahiga ako sa malambot kong kama ay iniisip ko ang sinabi sa akin ni Francheska kahapon. Totoo nga kaya ang sinabi niya na mahal ko na si Olivia? Bakit hindi ko kaagad iyon sinagot kung alam ko naman talagang hindi iyon totoo?

Kung hindi ko siya mahal at wala naman akong nararamdaman sa kaniya, ano 'tong pag-aalala na nararamdaman ko sa dibdib ko? Bakit pakiramdam ko'y mabigat ang dibdib ko dahil hindi ko alam kung ano na bang lagay niya ngayon?

Hindi ko tuloy maiwasang mapabalikwas sa higaan habang iniisip ko si Olivia. Ayos na kaya siya ngayon? Siguro naman ay maayos siya dahil kasama niya ang daddy niya. Safe naman siguro siya dahil hindi naman siya papabayaan nito.

Habang paikot-ikot ako sa kama't iniisip si Olivia ay bigla akong nakarinig nang pagkatok. Kasabay nito ang pagtawag sa pangalan ng asawa ko.

Pagbukas ko ng pinto ay tumambad sa akin si Matthew na nakatayo sa harapan ng pintuan ko.

"What do you need from her?" tanong ko habang nakatingin sa kaniya.

"May s