TCC #24.1 Kilig Overload

Mantigue Island

“I think, you need to see a psychologist para masolusyunan ang problema mo kapag nasa tubig ka,” walang pag-aalinlangang sambit ni Celine. Nakaupo sila ni Dustin sa may hapag-kainan habang humihigop ng mainit na kape.

Pasado alas tres na ng madaling araw pero ang mga mata at diwa ng mag-asawang Saavedra ay gising na gising pa. Hindi naging matagumpay ang swimming lesson nila dahil sa tuwing bibitawan ni Celine si Dustin ay tila ba napupulikat ito at hindi na makalangoy.

“Siguro kapag nakita ko ulit ang babaeng ýon at nakapagpasalamat ako sa kaniya, babalik na siguro sa dati ang lahat. Sinungitan ko kasi siya sa halip na magpasalamat ako eh,” anas ni Dustin habang nakatingin sa kawalan. Napangiti ito ng maalala ang tagpong iyon. Hindi pa malinaw sa ala-ala niya ang hitsura ng babaeng nagligtas sa kaniya pero sigurado siyang hindi basta-basta ang kagandahan nito.

Nakaramdam ng inis si Celine sa hindi niya mawaring dahilan. Ibinaba niya ang tasa na may lamang kape at tina