TCC #27 Dustin Vs. Clark (Part 2)

Pakanta-kanta si Clark habang naglalakad sila pauwi. Nasa unahan si Celine at nasa pinakahuli naman si Dustin. Bitbit nila ang kani-kanilang mga sako na punong-puno ng mga tuyong sanga ng iba't ibang uri ng punongkahoy. Lumingon si Clark sa kaniyang likuran at ngumiti ng nakakaloko kay Saavedra. Nagkibit balikat lang si Dustin at tumakbo papunta sa direksyon ni Celine.

“Celine, anong gusto mong ulam mamayang lunch?" Dustin asked with a twinkle in his eyes.

“Hmmm, parang gusto ko ng sikar o kaya suso."

Umikot ang mga mata ni Dustin. Tinapik-tapik niya ang kaniyang noo. Ngayon lamang siya nakarinig ng ganoong salita. Nagulat siya nang naisatinig niya ang tumatakbo sa kaniyang isip. “Nakakain ba ýon? Anong hitsura ng mga ýon? Masarap ba ýon?”

Tumango si Celine at ngumiti sa kaniya, “Magpalit muna tayo ng damit tapos turuan kitang manguha ng sikar at suso.”

Mabilis namang pumagitna sa kanila si Clark. “Mangunguha tayo ng sikar at suso?”

Tumindig ang mga balahibo sa braso ni Clark. Laki