TCC #27 Dustin Vs. Clark (Part 3)

Pumikit si Celine at dinama ang hanging nagmumula sa direksyon ng dagat. Nakasuot siya ng sandong puti at short na maong. Sina Dustin at Clark naman ay parehong topless. Naka boxer lang ang dalawa. Sa kanilang bewang ay may nakataling recycled container. Tig-iisa silang bote ng 1.5 liters coke. Binutasan nila iyon at nilagyan ng tali para hindi sila mangalay magbitbit.

“Celine, ano bang hitsura ng hahanapin natin?” Dustin asked with a black face.

Hindi siya sinagot ni Celine bagkus ay yumuko ito para humanap ng sikar at sus*. Nang magkita siya ay agad niya iyong ipinakita kay Dustin.

“Ganito ang hitsura. Kalimitan ay makikita ang mga ito sa damuhan o kaya sa batuhan. Buti na lang at saktong mababa ang tubig ngayon.”

Naghiwa-hiwalay silang tatlo para makarami. Tuwang-tuwang tumakbo si Dustin palapit kay Celine nang magkita siya ng sikar.

“Celine! Tingnan mo! Nakakita ako ng dalawang sikar!”

Ngumiti si Celine at hinintay na makalapit sa kaniya si Dustin. Nang ilahad na nito ang kaniyang