TCC #27 Dustin Vs. Clark (Part 1)

Nang makarating ang tatlo sa kakahuyan ay agad na nagpakitang gilas sina Dustin at Clark kay Celine. Mayroon silang dalang tig iisang sako. Lingid sa kaalaman ni Celine ay napagkasunduan ng dalawa na kung sino ang unang makapuno sa sako ng mga panggatong ay siyang tatabi kay Celine sa kuwarto paglubog ng araw at ang matatalo naman ay sa may bangko sa kusina matutulog.

Napaawang ang bibig ni Celine nang makita niya kung gaano kataas ng energy ng dalawa sa pangangahoy. Umiling siya at lumakad sa ibang direksyon. Naririndi siya sa bangayan ng dalawa. Nagbibilang ang mga ito sa tuwing makakapaglagay ng panggatong sa loob ng dala nilang sako.

"Nahipan yata ng hangin ang ulo nila. Jusko. Bahala nga kayo riyan," aniya habang naglalakad palayo sa dalawa.

Sobrang focus nina Dustin at Clark sa pangunguha ng kahoy. Hindi man lamang nila napansin na nag-iba ng direksyon si Celine.

'Sisiguraduhin kong sa kusina ka matutulog mamaya, Mr. Clark Simeon.'

'Unang gabi ko ngayon sa isla. Hindi ako makaka