Chapter 55

Aleya's Pov

Pagkatapos dumalaw sa akin ni Enrique sabay tanggal sa akin bilang bodyguard niya ay hindi na siya muling dumalaw pa. Gusto ko mang puntahan siya agad sa bahay niya para kausapin siya ng maayos ngunit hindi naman ako pinayagan ng doktor na lumabas ng ospital. Kaya kahit na gustong-gusto ko na siyang puntahan ay wala akong magawa kundi ang maghintay na lamang hanggang sa payagan ako ng doktor na madischarge na. Kaya pagkalabas na pagkalabas ko sa ospital ay nagpa-drive ako kay Deo papunta sa bahay ni Enrique.

"Dapat sa bahay mo tayo dumiretso at hindi sa bahay ng lalaking iyon, Aleya. Hindi ka pa masyadong magaling," protesta ni Deo habang nagmamaneho siya sa kanyang kotse papunta sa bahay ni Enrique. Kahit tutol siya na magpunta ako sa bahay ng binata ay wala pa rin siyang nagawa kundi ang ipagmaneho ako dahil sa aking pamimilit sa kanya. "Hindi mo dapat ipagpilitan ang sarili mo sa taong ayaw sa'yo, Aleya," nakasimangot na sabi pa niya sa akin.

"Gusto ko siyang makausap n