CHAPTER 19: Peace Offering

Nang hawakan ni Apollo ang kaniyang beywang at iginaya siya nito palabas ng mansion ay hindi na siya nagdalawang isip pa na magpatianod. Habang lulan ng van ay hindi mapigilan ni Melody ang mapaluha. Tahimik siyang umiiyak habang nakatingin sa labas.

Ilang taon na ang nakalipas. Asensado na rin naman na ang dalawabg kotrabida sa buhay niya, pero bakit gustong-gusto pa rin nila siyang ipinahiya sa maraming tao? Mabuti na lamang at naroon si Apollo at tinulungan siya.

Napasulyap siya sa kaniyang katabi. Tahimik lamang ito habang nakatingin sa labas ng kabilang salamin sa van.

“S—Salamat. . .” tanging sambit ni Melody nang makapasok sila sa loob ng bahay.

Napailing si Apollo. “Ginawa ko ʼyon not for you. Para ʼyon sa sarili ko, para hindi ako mapahiya at masabihan ng walang kuwentang asawa.” malumanay ngunit bakas sa boses nito ang galit.

Hindi naman maintindihan ni Melody kung anong dahilan. Ano ʼyon? Pakitang tao lang ba ang ipinakita nito kanina? Dapat pa ba siyang magulat?

“Kung naga