CHAPTER 39 HIS OTHER SIDE

Nang nasa Penthouse sila ni Aliyah, ang Mansion ni Reed ay sinalakay ng isang mamamatay tao. Hindi siya makontak ng mga tauhan niya noon dahil naka-off ang phone niya. Kaya tinawag niya ang head guard sa Mansion niya ng mabalitaan niya ang nangyari.

"S-Sir, pasensya na po kayo sa mga nangyari na pagpatay sa tatlong tauhan natin na nakabantay sa Mansion n'yo. Mabilis po ang mga pangyayari at napuruhan talaga ang tatlong nakabantay sa madilim na parte ng Mansion. Ice pick po ang ginamit sa pananaksak." Paliwanag nito habang nakayuko.

"Nakilala n'yo ba kung sino ang pumaslang sa kanila?" Malamig na tanong niya.

"Malinis magtrabaho ang tarantado, Boss! Walang kahit anong bakas at ebidensya na naiwan." Sagot nito habang hindi pa rin inaangat ang mukha nito.

Alam niyang takot ito sa nangyaring kapabayaan nila.

"Sige, magdagdag ka ng tauhan para ipalit sa mga pumanaw. And make sure na mabigyan ng sapat na halaga ang pamilya na naiwan nila. Makakaalis ka na." Wika niya na seryoso ang mukha.