CHAPTER 40 THE CALLER

Nasa kitchen sina Aliyah at Darlene habang kumakain ng lunch nang biglang nakarinig sila ng sigaw ni Manang Korina, "Ma'am Darlene! Ma'am Aliyah…. Diyos ko!" Tumatakbo ang matanda papalapit sa dining table na kinaroroonan nila.

Nagkatinginan ang dalawa at kinabahan, "Manang, bakit po?" Tanong agad ni Aliyah na tumayo at sinalubong si Manang Korina.

"Si ano po… Si Sir Reed, nasa hospital. Na aksidente raw sabi ng tumawag sa telepono." Wika nito habang hingal na hingal pa at nanginginig ang labi dahil sa kaba at takot.

Namutla si Aliyah sa narinig, bumilis ang tibok ng puso niya, "Huh?! Diyos ko! Saang hospital, Manang?" Napahawak siya sa matanda dahil nanghihina ang mga tuhod niya.

"Ate, Si Kuya .. Kaya siguro hindi niya tayo sinasagot at hindi natin siya makontak dahil may masamang nangyari na sa kanya." Napaiyak si Darlene dahil sa pag-aalala sa kuya niya.

"Ang sabi po ng tumawag na nagdala kay Sir Reed sa hospital, na bangga daw ng truck ang kotse niya. Nasa Delgado Hospital po, M