CHAPTER 48 THIS IS MINE

WARNING: SPG

Takot na takot si Aliyah sa reaksyon ng mga magulang niya ng malaman ng mga ito na kinasal na sila ni Reed na walang pasabi.

Nakatikim ng malakas na suntok at sipa si Reed sa Daddy niya kaya halos atakihin siya sa puso sa bilis ng kaba ng dibdib niya. Ang kuya niya at ang kaibigan nito ay hindi man lang umawat at relax na relax lang na nakaupo habang nakatanaw kay Reed na binibigwasan ng matanda.

"Kuya, awatin mo si Dad!" Sigaw niya habang nagpupumiglas sa pagkakahawak ng mommy niya. Ngunit hindi siya pinansin ng kuya niya at patuloy lang ito sa pakikipag-usap sa kaibigan na wala rin pakialam sa nangyayari.

"Dad, tama na!" Nakawala si Aliyah sa pagkakahawak ng mommy niya at tumakbo sa kinaroroonan ni Reed at niyakap ito ng mahigpit.

"Aliyah, bitawan mo ang lalaking iyan!" Nagngingitngit na sigaw ng daddy nito sa kanya bago siya hablutin ng malakas.

Napahagulgol na siya ng tuluyan dahil sa awa kay Reed, hindi man lang ito lumaban at umiwas, hinayaan niya lang na gulpihin s