CHAPTER 41 MOODY

Nagising si Aliyah dahil naramdaman niyang may humahalik sa leeg niya. Dahan-dahan niyang minulat ang kanyang mga mata.

Ang pagod na mukha ng asawa niya ang bumungad sa kanya, "B-Baby..." Paos ang boses at namumungay pa ang mga mata niya, "Anong oras na? Nakatulugan na pala namin ni Darlene ang paghihintay sayo." Dahan-dahang bumangon siya sa kama para hindi magising si Darlene sa tabi niya.

Hinaplos nito ang pisngi niya at hinalikan sa noo. Inalalayan siya nito na makatayo at niyakap siya ng mahigpit ng magpantay na sila, "It's 3am. I'm sorry, Baby." Bulong nito sa puno ng tainga niya.

Nakatayo sila pareho habang yakap-yakap ang isa't- isa, "Hinintay ka namin ni Darlene at hindi ko namalayan nakatulog na pala ako." Inihilig niya ang ulo sa dibdib nito.

"Did you eat dinner?" Bulong nito sa tainga niya.

Umiling siya. "Hindi kami makakain ni Darlene dahil sa kakaisip sayo." Sagot niya at inilayo niya ang katawan rito. At tiningnan niya ito sa mga mata, "Bakit ngayon ka lang nakauwi?