Chapter 35

HINDI pa rin makapaniwala si Ffion. Para siyang baliw na nakaharap sa malaking salamin habang namumula ang kaniyang buong mukha. Hawak niya ang kaniyang labi at paulit-ulit na binalik sa kaniyang isipan ang eksena kanina sa kabilang silid.

Gusto niyang tumili sa sobrang kilig na naramdaman pero nalunok niya yata ang kaniyang dila. Hindi niya makapa ang boses. Basta, para lang siyang tanga na nakangiti sa harap ng salamin.

"Hinalikan ako ni Adi. Hinalikan niya ako at hindi iyon panaginip..."

Marahan niyang sinampal ng dalawang beses ang pisngi. Ginising niya ang sarili kung sakaling nanaginip ba talaga siya pero hindi eh, lalo na at tila kampanang nag-eecho sa kaniyang utak ang nangyari eksena kanina sa silid...

"Give me your hand first."

Napatingin siya sa kamay nitong nakalahad. Nagdalawang isip siya na ibigay ang kamay rito. May suot itong gloves. Nagbaba siya ng tingin, ang lakas ng tibok ng kaniyang puso at sa huli, inabot niya ang kaniyang kamay sa asawa.

"Dito ka sa tabi ko."

Na