Chapter 34

"Wife?" Dumungaw si Audric sa kusina kung saan ando'n sila ni Manang Minda. Naghahanda at nagluluto.

"Ah, bakit?"

"Wala." Umatras ito at bumalik sa itaas.

Natawa na lamang siya sa inasta ni Audric. Ano ba ang nakain nito at panay ito 'wife' sa kaniya ngayon araw? Para bang aalis siya sa buhay nito gayun hindi naman. Mananatili siya palagi sa buhay nito.

"Aba'y gusto ko ang nakikitang saya sa mukha ng batang 'yon, ah!" Mabilis na puna ni Manang Minda.

Kimi lang siyang ngumiti at inayos ang buhok na tumabing sa kaniyang mukha.

"Napapansin kong iba ang galaw ni Audric nitong nga nagdaan araw. Aba'y masaya ako kung ikaw ang dahilan niyon, Ffion."

"Kayo talaga Manang..."

"Totoo ang sinabi ko. Iba ang galaw ni Audric. Mas lalo siyang naging malapit sa 'yo. Hindi ka man niya nakikita pero alam kong tinititigan ka ng batang iyon sa kaniyang isipan. Mabuti naman kung gano'n para tuluyan na akong sumaya sa inyong dalawa."

Ngumiti lang siya at tumango. Masaya rin siya. Lalo na ngayon na nakukuh