Chapter 33

AT nang araw na iyon, kasama nga niya si Audric maglaba sa likuran ng bahay. May washing machine doon pero mas gamay niya ang paglalaba gamit ang kamay. Paminsan-minsan nga ay napapahinto siya sa pagkukusot ng damit at napapatingin sa lalaki. Para kasing nasa isang panaginip siya. Panaginip na ayaw niya ng magising pa.

Nasa harap sila ni Audric sa malaking batya at kasama niya itong nagkusot ng maruruming damit nila. Wala itong nakikita pero pakiramdam niya, nakikita siya ni Adi sa pamamagitan ng puso nito.

Tuluyan na ba siyang natanggap nito bilang totoong asawa? For real na ba talaga ang lahat? Dahil kikiligin na siya.

"Ah, A-audric... May bula ka sa noo."

"Meron?"

"Oo. Sa noo."

Nagulat naman siya ng tumawa ito at pinunasan ang noo pero mas lalong dumami ang bula. Hindi niya tuloy mapigilan matawa. Ang cute ni Audric.

"Ako na." Nagpunas siya ng kamay bago tinanggal ang maraming bula sa noo ng lalaki. Maingat ang kaniyang galaw na parang takot siyang mahawakan ito. "Ayan, wala na