Chapter 38

NAMUMULA pa rin ang mukha ni Ffion habang inaayos ang sarili. Tapos na siyang magpalit ng damit pambahay at magluluto na siya ng hapunan nila sa gabing iyon. Pero hanggang ngayon namumula ang kaniyang magkabilang pisngi sa tuwing lumilitaw ang mainit na tagpo nilang mag-asawa kanina sa ilalim ng Indian almond tree.

Hindi pa rin tumitila ang ulan sa labas at wala yata itong planong tumigil sa kakabuhos. Kaya tuloy pakiramdam ni Ffion, nakisabay ang ulan sa naramdaman niya para sa kay Adi. Walang planong tumigil.

"Ffion?"

"H-ha?" Awtomatikong napalingon siya sa asawa. Nakatapis lang ito ng tuwalya at bagong ahit.

Wait! Bagong ahit? Tila huminto saglit ang kaniyang mundo nang mapansin wala itong balbas. Biglang bumata ang mukha ni Audric nang limang taon.

Ando'n na naman ang pamilyar na tibok ng kaniyang puso. Mas lalo siyang nainlove! Ang gwapo talaga ng kaniyang asawa kahit saan ito tingnan anggulo. Kahit noong mahaba ang balbas nito ay gwapo pa rin ito, pero hindi niya ikakaila na ma