CHAPTER 22- TOO CONFUSED

"Lumabas ka na. Magpapalit lang ako ng damit."

"Hintayin kita sa sala."

"Kahit mauna ka na, okay lang. Pupunta ako, huwag kang mag-alala.

Lumabas na nga ito. Hinigit ko ang oversized t-shirt ko na kulay itim at short-shorts lang din ang ipinareha ko.

Ngayon lang din uli naman ako susuot ng ganito kaiksi.

Eh bakit ba? Kanya-kanyang trip lang 'to.

Tiningnan ko muna ang hitsura ko sa salamin. Sinuklay ko ang aking buhok, hinayaan lang nakalugay at lumabas na ng kwarto.

"Bakit ganyan ang suot mo? Nagpalit ka pa ng damit kung ganyan lang din naman," pangingialam na naman ng haduf.

Hindi ko rin pinansin ang kaniyang sinabi. "Tara na," yaya ko pa.

"Ano ba, Beatrice? Bakit ganyan kaiksi ang suot mo?"

"Bakit ba? Bawal?"

"May mga bisita tayo."

"So, ako na naman ang mag-aadjust, gano'n? FYI, ayoko talagang makisali sa dinner ninyo kasama sila dahil Prime Agents lang naman ang required na nandoon, 'di ba? Alam naman nating lahat na hindi ako PA. So, what's the big deal sa hindi ko pagdalo sa