Chapter 85

Tuluyang tinanggap ng magkapatid na Esmeralda at Gracia ang malaking pagbabago sa kanilang mga buhay. Habang ang kanilang mga pamilya ay may sariling trabaho na naaayon sa kagustuhan ni Zanella. Ni isa man sa kanila ay wala ng nagreklamo dahil ayaw nila na tuluyang masagad ang pasenya ni Zanella at baka maisipan pa nito na ituloy ang pagdodonate ng kanilang mga ari-arian sa mga orphanage.

“Oh, saan ka na naman nakakuha ng pambili ng pagkain?” Seryosong tanong ni Esmeralda sa kanyang kapatid. Nakasanayan na nila ang laging sabay sa pagkain ng tanghalian at para pa silang mga bata na naghihintay sa isa’t-isa para lang sabay na kumain. “Nangutang ako ng isang libo sa bago kong kaibigan. Ouch!” Sagot ni Gracia ngunit napa daing na naman ito ng batukan siya ni Esmeralda. Wala ka na talagang kahihiyan! Nung una binenta mo ang sapatos mo, sunod, nagsangla ka ng isang singsing mo, ngayon naman ay nagawa mo ng mangutang!? At kailan pa naging makapal ang mukha ng isang Aragon!?” Mahabang sermo