Chapter 89

“Tanging ang tibôk ng aming mga puso ang naririnig ko ng mga sandaling ito, makailang ulit akong lumunok habang nakatitig sa mukha ng maglola. Ilang sandali pa ay nagsimula ng lumuha ang aking biyenan habang yakap ng mahigpit ang apo nitong si Kolly.

“Sabihin mo sa akin, Zanella, apo ko ba ang b-batang i-ito?” Halos hindi na siya makapagsalita ng maayos, dahil sa matinding emosyon. Labis na nagtataka naman ang aking anak kung bakit umiiyak ang ginang na may karga sa kan’ya. Marahil ay nakaramdam ng awa ang anak kong si Kolly kaya maging ito ay umiiyak na rin at saka gumanti ng yakap sa kanyang lola.

“P-please stop crying, I'm not mad at you.” Malungkot na wika ng aking anak habang nanatiling yakap ang kanyang lola. Napangiti ng wala sa oras si Mamâ dahil natutuwa siyang malaman na meron pala siya na isang matalino at cute na apo. “Kolly, anak, she’s your lola-mama, she is the mother of your daddy.” Malumanay kong paliwanag upang lubos na maunawaan ng aking anak. Napahagulgol na n