Babymaker 39

"Oh pak!"

Mahina akong natawa at tinignan ang aking repleksyon sa salamin. Hindi ko alam ngunit hindi ako masyadong komportable sa damit na aking suot. It's a black deep-v gown na hanggang talampakan ko ang haba. Hapit na hapit nito ang aking katawan at backless pa. Hindi ko tuloy maiwasang isipin na baka kabagin ako.

"Ang ingay mo talaga kahit kailan, Zenaida." Paninita ni Ella.

Kita ko ang pag-irap ni Zen mula sa salamin. "Could you please stop calling me that name? Pakiramdam ko si Mama ang tinatawag mo. Zen lang nga kasi."

"E 'di dapat Junior itawag ko sa 'yo. Zenaida Jr." Pagkatapos banggitin 'yon ni Ella ay malakas siyang natawa.

Mahina rin akong natawa sa kanilang usapan. Hindi ako nakaramdam ng awkwardness sa kanilang dalawa. Lalo na kapag nagkukulitan sila na para bang wala silang pinagkakaabalahang trabaho.

Inayos ni Zen ang buhok kong kinulot nila ang ulo.

"I really love your hair. Parang ang hirap paniwalaang natural lang ito. Pero wala ka namang black roots so I guess this