29

Muli kong ipinaypay ang sombrero sa akin. Tagaktak ang pawis ko dahil sa init. Gamit ang palad, 'yun ang pinunas ko sa leeg para mabawasan ang pawis.

"Here," si Damian. Inabot niya sa akin ang itim na panyo bago kunin ang sombrero sa kamay at kusang pinaypayan ako.

Saglit akong natigilan at kumurap-kurap. Nang matauhan ay agad kong kinuha 'yon at ipinunas sa sarili. Ipinalibot ko 'yon sa leeg, hanggang sa dibdib. Idinamay ko na rin ang noo na kanina pa tagaktak sa pawis.

"Thanks," sabi ko nang matapos. Inabot ko sa kanya 'yon at agad naman niyang kinuha. Akala ko ay ibabalik niya na 'yon sa bulsa niya pero nagkamali ako. Inilapag niya ang beach hat ko sa upuan at lumapit sa akin. Kinuha niya lahat ng buhok ko gamit ang isang kamay at itinaas 'yon. Pinunasan niya ang batok ko hanggang sa leeg. Saglit niya pang pinunasan ang noo ko nang may tumulo uli na pawis doon.

<