33

Patuloy ako sa paglalakad. Nag uumapaw ang inis ko at hindi ko malaman kung bakit. Hindi ko na alam kung saan ako naroroon pero kita ko pa rin naman ang dagat. Hindi ko alam kung private property na itong tinatakbuhan ko pero wala akong pakialam. Ayokong bumalik sa bahay na ganito kainis dahil baka kung ano ano naman ang itanong sa akin ng mga tao roon.

"Aray," d***g ko nang matapilok. Mabilis akong umayos ng tayo at nag patuloy sa paglalakad. Habang papalayo ako nang papalayo ay mas lalong dumidilim ang paligid. Kaunting kembot na lang ay alam kong babagsak na ang malakas na ulan.

"Zari!" rinig kong sigaw ni Damian. Liningon ko siya pero agad ding ibinalik ang paningin sa daanan. Nakakunot ang noo niya habang hinahabol ako. Mayroon na rin siyang suot na Tshirt.

Mas lalo kong binilisan ang paglalakad. Makita ko lang ang mukha niya ay mas lalong nadaragdagan ang inis na n