FIVE

“Kaia?”

Hindi ako kaagad nakagalaw nang magtagpo ang mga mata namin ng estrangherong lalaki. Ilang beses akong napakurap bago tuluyang bumalik sa normal. “H-Hindi ko pinapapaiyak ‘tong bata, ha. Bigla nalang siyang umiyak noong pumasok ako,” mabilis na pagdadahilan ko.

Tiningnan ko si Rory na ngayon ay tumigil na sa pag-iyak. Mabilis kong tinalikuran ang lalaki at muling ibinalik sa crib niya ang bata. Hindi ko alam kung paano ako makakaalis sa sitwasyon ko ngayon dahil halos lahat sila, tinatawag akong Kaia at hindi na ako nagiging kumportable sa paraan ng pagkakakilala nila sa akin.

Nasaan na baa ng Kaia na ‘yon at bakit hindi siya ang magpakita? Ang dami-raming taong naghahanap sa kaniya tapos—

Muntik na akong mapatalon sa aking kinatatayuan nang walang pasabing niyakap ng estrangherong lalaki ang aking likuran. Hindi ako kaagad nakagalaw at sa halip ay naestatwa lamang dahil sa labis na pagkagulat. <