Kabanata 15: He's into her

NAPASULYAP si Nathan sa natutulog na si Xandra nang naramdaman niyang gumalaw ang kamay nito. Pero natuon ding muli ang kaniyang atensyon sa harapan sapagkat kailangan niyang linawin ang bagay na iyon.

"Hey, look. It is not what you think it is. I and Caroline are just good friends. Magtigil na kayo riyan at baka magising pa si Xandra," suway nito. Pinunasan niya ang kaniyang labi dahil sa kaunting natapon na tubig kanina ro'n.

Ashton groaned. "Dine-deny mo na ngayon si Caroline? Akala ko ba ay girlfriend mo siya? Bakit biglang naging good friends na lang?" seryoso nitong katanungan, wala nang kahit na anong panunukso na mababakasan pa sa kaniyang mukha. "Kasasabi lang din ni May na nakita niya kayong dalawa na nag-aanuhan sa rest room. Ano ang tawag mo ro'n? Friends with benefits?" Mas humigpit ang hawak nito sa manibela, halatang wala na talaga sa huwisyo.

Malalim na napabuntong hininga si Nathan. Dapat sana nilang pag-usapan na lang ito nang silang dalawa lang pero dahil nandito na