Kabanata 19: Bitter

PANSIN ANG pagnanakaw ng tingin ni Nathan sa babae nang makasakay na ulit sila sa sasakyan. Gusto niya itong kausapin pero nirerespeto naman niya ang nais ng dalaga na maging pormal sila sa isa't isa kaya sa huli ay tahimik na lamang siyang nagmaneho.

Nanginginig pa rin ang kamay nito dahil sa nangyari kanina. Ayaw nitong nahahawakan siya ng kahit na sino pa mang lalaki iyan dahil sa nangyari sa kaniyang nakaraan.

"What time is my next scheduled appointment?" tanong niya. Nang una ay wala siyang tugon na natanggap. Tila naglalakbay na naman ang isipan ng babae. "Ms. Fumidor?" agaw niya sa atensyon nito. Akala niya nang una ay tulala lang ito sa bintana pero kalaunan ay roon lamang niya napansing nakaidlip pala ang dalaga.

Hinayaan na lamang niya ito para naman makapagpahinga kahit na papaano. Siguro kung ibang empleyado niya iyon ay tatanggalin na agad niya sa trabaho. Gano'n siya kaistrikto, ngunit pagdating sa dalaga ay hindi siya maghihigpit. May bias na kung may bias.

Tahimik na