DOS 15

YUJI

PUMASOK ako sa loob ng snack house kung saan nagtatrabaho si James. Ilang araw na rin itong tawag nang tawag sa akin. I've been avoiding his calls pero naisip kong hindi habang-buhay, maiiwasan ko siya.

"Mahigit isang linggo na tayong hindi nagkikita. May nangyari ba? Alalang-alala ako sa iyo, Yuji."

Sinubukan niyang hawakan ang kamay ko pero agad ko itong binawi. Now, I can't even look at him in the eyes. Kung noon, siguradong-sigurado ako sa nararamdaman ko para sa kaniya, ngayon hindi na.

Sa tuwing iniisip ko si James, laging nauuna sa isipan ko si Dos. Kapag tinatanong ko ang sarili ko kung si James pa ba ang mahal ko, ang mukha na ni Dos ang nakikita ko sa isip ko. I can't even last a day without seeing Dos. Gusto ko, laging nasa tabi ko siya.

"Bakit tahimik ka? Ngayon na lang tayo nagkita, hindi ka pa nagsasalita."

Huminga ako nang malalim. I've been practicing this mula nang I left Dos' office. Ang bawat sasabihin ko ay planado na, pero ngayon na kaharap ko si James, nakok