DOS 20

DOS

"Hindi ko maiiwan si Ate Gwen."

Matagal akong natigilan sa mga narinig. "Yuji, ano bang sinasabi mo?"

"Please, go... "

"Wife, ano ka ba? Ano ba ito? Halika na. Umuwi na tayo, umuwi ka na sa akin."

Lalong bumuhos ang maraming luha sa mga pisngi niya. Nasasaktan akong makita siyang umiiyak. She doesn't deserve this. My Yuji doesn't deserve to be hurt like this.

"Dos, hindi na kasi puwede. Si Ate Gwen... baka itakwil niya ako."

Kumuyom ang mga kamao ko sa narinig.

"I can't go. I'm sorry."

"Hindi ako aalis dito nang hindi ka kasama."

"Dos, please, huwag mo na gawing mahirap ito para sa akin."

"Mas nahihirapan ako, Yuji! Asawa kita, sa akin ka dapat sumama! Bakit mas iniisip mo pa si Gwen!"

Mariin siyang pumikit. Naupo siya sa kama at niyakap ang mga tuhod sa dibdib niya. "Pamilya ko si Ate."

Natahimik ako bigla sa narinig mula sa kaniya. I looked at her straight in the eyes. Natatabunan na ng sakit ang pagmamahal na nararamdaman ko para kay Yuji.

"At ako... hindi? Hindi mo ako pamilya