Chapter 35 SPG

Mas lalo lang tuloy niyang gustong magpunta sa isla dahil sa inasal ko. Marahil iniisip talaga niya na may manliligaw ako roon o kaya boyfriend. Kanina pa niya paulit-ulit na tinatanong sa akin kung sino ang manliligaw ko roon, kaya ang aga-aga pa lang, kuhang-kuha na niya ang inis ko.

"Can't you hear yourself? And please stop talking nonsense in front of my child."

"Nonsense? And she's my child too."

Bumuntong hininga ako at pumikit. Inis na inis na talaga ako at nayayamot.

"Sino ba kasi ang tinatago mo doon? I know when you are lying Myla."

"Wala nga! Tsk!" Bumaba ako ng kama. Nagpunta ako ng banyo upang umihi at mag-toothbrush pero nakasunod agad siya.

"Ivan!"

Ngumisi siya at humalukipkip, habang nakasandal sa may pintuan. Sinilip ko naman si Heather na nakaupo sa may carpet, habang busy sa paghalungkat sa mga laruan at mga pasalubong sa kaniya ng daddy niya. Tila may sarili itong mundo. Walang pakialam sa pinag-uusapan namin ng daddy niya.

"Iihi ako..." Pinandilatan ko siya