Chapter 41

NANDITO PA DIN SI IVAN. Ilang araw na siyang naririto. Siya ang nag-aalaga kay Heather sa buong maghapon, habang nagtatrabaho ako. Siya din ang nagluluto ng breakfast at siya din ang naghuhugas ng aming mga pinagkainan.

"Mommy, nandito na ang flowers mo!" sigaw ni Heather mula sa labas ng bahay. Hinihintay niya ang paglapag ng chopper.

"Mommy!"

Dumungaw naman ako sa bintana upang tingnan ang aking anak.

Ang laki ng ngiti niya sa labi. Kasama niya si Ivan na nakatingala din sa akin.

Tumakbo siya palapit sa chopper nang tuluyan itong lumapag. Masyadong malaki ang bouquet ng bulaklak kaya hindi niya ito mabitbit. May inabot na paper bag ang assistant ni Ivan. Mukhang binilhan na naman siya ng bagong laruan o damit.

Si Ivan ang nagbitbit ng bulaklak at ang ilan pang paper bags. Papasok na sila ng bahay. Aakyat na sila dito sa taas upang ibigay sa akin ang bulaklak.

"Mommy!"

Pinilit kong ngumiti.

"Nandito na ang flower mo!" Tatlong araw ng may dumadating na chopper para lang i-del