Chapter 42

Nagising ako kinaumagahan na mag-isa na lang sa kama. Hindi ko na naramdaman kung umakyat ba si Heather dito kagabi. Malinis kasi ang tabi ko, kaya baka hindi siya rito natulog. Baka doon siya natulog sa villa ng kaniyang daddy.

Isa din 'to sa inaalala ko ngayon, nasanay na talaga siya na kasa-kasama ang kaniyang ama. Paano kung kailangan ng bumalik ni Ivan sa Manila, sa kaniyang trabaho? Tiyak na malulungkot ang aking anak. Kahit pa sinabi ni Ivan na dito lang siya, naniniwala ako na darating ang araw na kakailanganin niyang bumalik para sa kompanya nila.

"Good morning, ayos ka na?" tanong ni Lucinda. Nagluluto siya ng breakfast, nakita kasi niya akong umiiyak kagabi.

Isang tipid na ngiti lang ang sinagot ko sa kaniya.

"Nagtayo ng tent si Ivan kagabi. Sa tent sila natulog ni Heather." Kaya naman pala hindi na umakyat ang anak ko kagabi.

Pinuntahan ko sila sa likod. Dinig na dinig ko ang tawanan ng mag-ama ko. Kinikiliti ni Ivan ang kaniyang anak.

Nang mapansin nila akong parati