Chapter 39

Mabilis na nakabawi si Almira sa gulat. Seryoso na mukha ang sinukli niya sa lalakeng pinagtataguan niya. Si Chelle ay para namang nakakita ng multo habang nakatingin sa mga kaibigan ni Ivan. Hindi ko alam kung sino kina Angus, Caius at Huxley.

Inagaw ni Ivan ang atensyon ko kaya napakurap ako.

"Ano'ng ginagawa mo dito?!" singhal ko sa kaniya. Ano na naman ang trip niya at bigla siyang nagpunta dito?

Ngali-ngali ko siyang sapakin kaso ayaw kong ipakita na bitter ako kahit pa gustong-gusto kong magwala sa mga sandaling ito.

"Lasing ka na, umuwi ka na," sagot niya sa halip. Malumanay ang boses. Akala mo matiyagang asawa na nanunundo ng asawang nagtatampo.

Sumimangot naman ako. Hindi ako gumalaw sa kinauupuan ko. Sino ba siya para sundin ko? Ang kapal ng mukha niya!

"Let's go," aya niya pero nagmatigas ako. Tumingin ako sa ibang direksyon habang nakahalukipkip.

Nagtitimpi siyang tumingin sa akin. Bakit tila galit ito sa akin? Ano'ng kasalanan ko? At ano'ng ginagawa niya dito? He si