Chapter 12 - Face To Face

Matapos mangyari ang insidente sa club ay kaagad umuwi si Agnes. Hindi na rin nila napag-usapan nila Juvy at Diane ang tungkol sa lalaking humila sa kanya, at hindi na rin nagawa pang banggitin ni diane na ang lalaki ay si aeros Villacorte.

Sa isang araw pa dapat ang balik ng mga katulong sa mansyon ng mga Villacorte, ngunit kinagabihan, nu'ng araw ring iyon mismo ay tinawagan ni Ms. Mildred si Agnes para pabalikin na ito sa mansiyon, maging ang iba rin'g mga katulong.

Dahil sa nangyari at sa kanyang naranasan sa club ay hindi nakatulog si Agnes nu'ng gabing iyon, kaya mag-u-umaga na ito nakatulog at late nang nagising. Pupungas-pungas pa ito habang nag-aayos ng kanyang mga gamit.

Pagbalik ng Mansion ay nagtaka si Agnes nang walang makitang katulong na nagta trabaho. "Ms. Mildred, nasaan na po ang iba pa? Ako lang po ba ang pinabalik n'yo?"

Hindi sinagot ng matanda ang tanong ni Agnes, sa halip ay pinandilatan niya ito. "Bakit late ka? Alam mo naman kung anong oras ka dapat bu