Chapter 18 - Changes

"Sir aeros? Sir aeros!" Tawag ni Agnes. 'Naku, hindi kaya, tumakas s'ya?' nakahanda na sana siyang umalis at iulat kay Ms. Mildred ang nangyari. Ibinilin kasi ni Frederick sa kanila ng mayordoma na bantayan ang binata. Ngunit nang paalis na ay bigla siyang nakarinig ng paglagaslas ng tubig.

Inakala ni Agnes na baka nasa banyo lang ang amo nang maulinigan niya muli ang paglagaslas ng tubig. Doon natukoy ng dalaga na hindi iyon nanggagaling sa banyo. Nang pakinggan niyang mabuti ay naulinigan niya ito sa bintana.

Nang sumilip si Agnes ay natanaw niya ang nagsi-swimming na si Aeros sa isang malaking pool. May madadaanan sa kuwarto ni Aeros mula sa veranda papunta ng pool, at hindi ito nakita ni Agnes nung huling pasok niya sa silid ng binata.

Nang pagmasdan ng dalaga ang amo ay bigla itong namula dahil agad napukaw ang kanyang atensiyon ng bagay na nakaumbok sa boxer short nito. Umalis si Agnes sa bintana. Mahirap na, baka mahuli pa siya ng lalaki na naninilip sa kanya.

Pagbaling