Kabanata 13: I Miss You

ALIRA

YAKAP-YAKAP ko lang si Grayson habang nakahiga at tulog pa rin siya. Nang tingnan ko ang oras ay alas-otso pa lang. Nararamdaman kong bumibigat na ang talukap ng mga mata ko pati na rin ang paghinga ko.

Akmang ipipikit ko na sana ang mga mata ko ay naramdaman kong gumalaw si Grayson at bumungad sa akin ang itim na itim niyang mga mata. Palihim na lang ako napangiti dahil kamukhang-kamukha siya ni Laxon.

Nakita kong papungas-pungas pa siya na para bang hindi siya makapaniwala na ako ang katabi niya kaya tinawag niya ako sa namamalat niyang boses.

"M-mama ko?" Pinagkatitigan niya pa akong mabuti kaya nginitian ko siya at dinampian ng halik sa noo niya para malaman niyang ako 'to.

"Mama ko!" Tuluyan na siyang napasigaw at napahalakhak na lang ng dambain niya ako ng yakap at pinaulanan ako ng halik sa mukha. Narinig ko pa ang munti niyang pagtawa.

"Amoy gatas ang baby ko," pagbibiro ko pero umalis siya sa pagkakayakap sa akin at umupo sa harap ko habang nakanguso at nakakrus ang bra