TMST 82 - Change of Plans

Isang oras din ang lumipas bago nakabalik si Apocalipsis at Chii sa condominium. Parehong nakangiti ang mag-ama nang pumasok ng kanilang unit, ngunit isang masamang balita ang sumalubong sa kanila. Hindi nagdalawang isip si Apocalipsis at agad na tumulak patungong Baguio kasama ni Chii upang i-check ang kalagayan ng mga nasangkot sa aksidente. Binangga raw ng isang delivery van ang sinasakyang taxi ni Lucky, ang kwento kay Apocalipsis ay galing sa isang congratulatory party ang asawa niya at pabalik na sana ng hotel nito nang mangyari ang aksidente.

Kahit malalim na ang gabi at labis nang inaantok, hindi ito ininda ni Apocalipsis. Ang nasa isip lang niya ay makarating agad ng Baguio upang makita ang asawa. Labis siyang nag-aalala, sana ay hindi malubha ang kalagayan nito.

"Epsis, dahan-dahan lang sa pagmamaneho. Baka nakakalimutan mong kasama natin si Chii, hindi matutuwa si Miss Lucky kapag nalaman niyang nagmaneho ka ng lagpas sa speed limit," paalala ni Psalm na nakaupo sa shotgu