TMST 83 - Fightback

Katatapos lang maligo ni Genesis nang makarinig siya ng sunod-sunod na katok sa pinto ng kanyang hotel room. Nagtataka, binuksan niya ang pinto at doon niya nabungaran ang humahangos na si Nathaniel.

"What happened? Para kang hinabol ng sampong demonyo sa hitsura mo."

"Lucky got into an accident. She's in the hospital now, wala naman daw—"

Hindi tinapos ni Genesis ang sasabihin pa ni Nathaniel. Sinara niyang muli ang pinto upang kunin ang kanyang cellphone at wallet, saka muling binuksan iyon at lumabas ng silid.

"Let's go to the hospital," aniyang nanguna sa paglalakad.

Tinawag ni Nathaniel ang pangalan niya ngunit 'di iyon binigyang pansin ni Genesis. Isa lang ang nasa isip niya ngayon, si Lucky.

Malapit sa hotel nila ang hospital na pinagdalhan kay Lucky kaya nakarating agad sila Genesis. Pagpasok ng gusali tumatakbong tinungo niya ang reception desk at agad na hiningi ang hospital room ni Lucky, nang makuha, tumakbo na naman siya patungo ng elevator. Habang si Nathaniel ay