Chapter 9

CASSY

"Jona, ganito na lang ang gawin n'yong dalawa ni Alvin d'yan sa ospital. 'Di ba kasama n'yo si Aling Sonia at ang anak niyang si Mira?" sagot ko sa kanya.

"Opo, Ate Cassy. Kasama po namin siya. Bakit mo po sinasabi 'yon?" tanong niya sa akin. Huminga ako nang malalim at saka nagsalita sa kanya sa kabilang linya.

"Hindi naman ako makakapagpadala ngayong araw na 'to ng pera sa inyo kaya kung puwede ay umutang muna kayo kay Aling Sonia ng pera na pambili ng gamot na kailangan ni mama na pinabibili sa inyo ng doktor. Umutang muna kayo sa kanya dahil kapag nakapagpadala na ako ay saka n'yo na lang bayaran, okay? Umutang muna kayo ng pera sa kanya. Sigurado ako na hindi kayo niya tatanggihan kahit papaano. Iyon na lang muna ang gawin n'yo. Maliwanag ba ang sinabi ko, huh? Bumili na kayo ng gamot sa labas na botika habang may araw pa. Mahirap na lumabas kayo na madilim na. Ngayon na kayo bumili, okay? Sabihin n'yo kay Aling Sonia na ako ang nagpapautang," sabi ko sa kanya ng gagawin ni