Chapter 12

CASSY

Naghiwa-hiwalay na kami matapos 'yon at bumalik sa aming mga trabaho. Umakyat na rin ang mga amo namin sa taas para siguro magpahinga sila. Gabi na kasi, eh.

Nakahinga ako nang maluwag kahit papaano. Nakalusot ako kanina. Hindi nalaman ni Ma'am Rosaline na ako nga talaga ang kumuha ng necklace niya ngunit hindi maalis-alis sa isipan ko ang naging tingin ni Sir Zach na anak niya na crush ko pa. Hindi ko malaman kung ano'ng ibig niyang sabihin sa tingin niyang 'yon sa akin na para bang may alam siya o ano tungkol sa ginawa kong 'yon na walang nakakaalam kundi kami lang ng kaibigan ko na si Izza.

Tahimik lang kami ng kaibigan ko na si Izza habang pinagpatuloy ang trabaho namin. Hindi muna namin pinag-uusapan ang tungkol kanina dahil mahirap na kung may makarinig sa amin at isumbong pa kami kay Ma'am Rosaline. Kailangan namin na magpanggap na wala lang 'yon at normal lang ang lahat. Hindi ko rin sinabi kay Izza na kaibigan ko ang napansin kong tingin ni Sir Zach sa akin kanina haba