Chapter 11

CASSY

"Pinapatawag tayo ni Ma'am Rosaline! Gusto niya tayong lahat na makausap!" anunsiyo ni Jena sa amin doon sa kusina. Nagkatinginan kami ng kaibigan ko na si Izza pagkasabi niya. Umawang ang mga labi ko. Kinabahan at natakot ako muli matapos kong marinig ang sinabing 'yon ni Jena na isa sa mga kasambahay na kasama namin dito sa mansion.

"Ano?! Pinapatawag tayo ni Ma'am Rosaline? Bakit raw tayo pinapatawag niya, huh?" tanong ng kaibigan ko na si Izza sa kanya habang ako ay tahimik lang na nakikinig sa kanila.

"Gusto niya tayong lahat makausap," sabi ni Jena.

"Bakit raw gusto tayo niya na makausap?" tanong pa ni Izza sa kasamahan namin na si Jena na napapakamot ng kanyang ulo. Tinaasan kami ng kilay ni Jena lalo na ang kaibigan ko na si Izza. Hindi naman kami nagtataka kung bakit ganito ito. Hindi namin gusto ang pag-uugali niya. Isa siya sa mga kinaiinisan namin na mga kasamahan namin na kasambahay dahil sa pagiging mayabang niya. Bida-bida rin ito na feeling niya ay isa siyang ma