Chapter 75

Nagising ako na tila ba may sementong nakadagan sa aking katawan dahil sa bigat nito. Iminulat ko ang aking mga mata at wala akong ibang nakita kundi kadiliman hanggang sa magising ang buo kong sistema at napansing may takip pala ang aking mga mata. Nang igalaw ko ang aking mga kamay ay doon ko rin napansing nakagapos ito maging ang aking mga paa. Doon ay naalala ko ang huling nangyari. Hindi man lang namin inaasahan ang mangyayari. Hindi man lang kami nakahanda. 

Biglang gumapang ang aking dugo patungo sa aking ulo at binalutan ng magkahalong takot at pag-aalala.

‘Ang mga anak ko.’

Sinubukan kong sumigaw ngunit maging ang bibig ko ay nakabusal rin. Mas lalo akong nakaramdam ng takot.

‘Nasaan ako?’