Chapter 74.2

“AT DAHIL NGA bantay-sarado ni Fred ang lahat ng paliparan at pantalan sa iba’t ibang panig ng bansa ay humingi na ako ng tulong sa isa ko pang kaibigan,” panimula ni Jemuel nang magkaroon kami ng pagkakataon na magkausap sa balkonahe ng modernong bahay-kubo.

Mabuti’t nagsi-siesta ang mga bata at mahimbing na natutulog sa silid tulugan kung kaya’y nagkaroon kaming tatlo ng pagkakataon na magkausap muli.

“Ano na ang plano natin?” nag-aalalang tanong ni Shaelza. “Hindi tayo basta-basta makaaalis dito at makapagtatago kung ganyang puno ng mga tauhan ng asawa mo ang lahat ng puwede nating daanan. Bukod doon ay hindi tayo pupuwedeng magtagal dito dahil sa dami ng source ni Alas ay paniguradong matutunton na niya tayo rito.”

“Shaelza is right. Knowing my cousin ay gagawin no’n ang lahat mahanap lang kayo, Ava,” pagsang-ayon ni Jemuel na ikinanginig ng kalamnan ko.

“Kailangan na nating makaalis dito as soon as possible,” sabat ko.

“That’s why I ask m