CHAPTER 24

Panay ang singhal ko kay Alexis nang dahil sa nangyari kay Mama. Ni hindi niya man lang kasi naisip ang magiging reaksyon ni Mama sakali mang lumabas siya mula sa banyo ng nakatapis lang ng tuwalya.

"I told you, hindi ko sinasadya," muli niya namang paliwanag na kababakasan ng pagka-irita. "Malay ko ba na gising na ang Mama mo. Isa pa, hindi ko naman kasalanan kung hinimatay siya dahil guwapo at hot ako."

"Kung makarampa ka naman kasi ng katawan akala mo nasa isang body show ka!" Inismiran ko siya habang patuloy pa rin sa paghihilot sa likod ni Mama.

Itinuro ko na rin ang silid ko kay Alexis na kaagad niya namang pinuntahan. Ilang beses pa muna akong nakarinig ng sunud-sunod na pagbabagsakan ng kung anu-ano sa loob bago siya muling lumabas.

Suot niya na ang light pink kong t-shirt na may mukha ni Patrick at pajama na polka dots. Kahit mukha siyang sumang ibus sa t-shirt at tila kinapos sa tela ang pajama na nagmukha na ring tokong sa kanya ay palong-palo pa rin naman. Bagay pa rin sa